राहत नपुगेका र खान नपाएका पीडितहरूलाई नेपाली सेनाले खाने व्यवस्था पनि मिलाइदिएको छ । चैत १७ गतेको भीषण हावाहुरीले क्षति पु¥याएको बारा जिल्लाको फेटा गाउँपालिका वडा नं. १ स्थित भलुही, भरवलिया र वडा नं. ६ स्थित पुरैनियामा नेपाली सेनाको चन्दननाथ गणबाट खट्टिएको टोलीले भत्किएका घर टहराहरूको व्यवस्थापन, राहत वितरण तथा त्रिपाल टाङ्ने कार्य गरिरहेको छ ।
नेपाली सेनाले वर्षा शुरु हुन अगाडि नै बारा र पर्साका पीडितहरूलाई सुरक्षित बासको व्यवस्था गर्ने गरी काम अगाडि बढाएको सैनिक जनसम्पर्क निर्देशनालयले जनाएको छ । नेपाली सेनाले तीब्र गतिमा चुपचाप पीडितहरूको उद्धार र राहतमा दिनरात नभनी काम गरेको स्थानीयहरूको भनाइ छ ।
Post a Comment